AMAH
HNAIHTU TEN A ROPUI ZIA AN HMU ȚHÎN
Naupang
pakhat hian, a pa hnênah, "Ka pa, Pathian hi eng tiat nge anih?" tiin
a zâwt a. Chutih lai tak chuan an chung zâwn vân sang takah chuan thlawhna hi a
lo thlâwk a. A pa chuan chunglam chu a kâwk a, "Thlawhna khi eng tiat
nge?" a ti lêt a. Naupang chuan, a awmna a hla êm alâwm; a tê lutuk."
a ti a.
Tichuan,
a pa chuan a fapa chu Airport ah a kalpui vang vang a. Airport tarmac a
thlawhna awm chu an va hmu a. A pa chuan, "Thlawhna saw eng tiat
nge?" a ti leh a. A fapa naupang chuan, hlim êm êmin, "A va lian
ve!" a ti ta a. An va pan hnai zêl a, naupang tê chuan Airbus liânpui mai,
leia a châwl ruau mai chu a ropuiin a hmuhnawm a ti ta êm êm a.
Pathian pawh hi amah hnaihtu apiangin a
ropui zia an hmu țhîn ani.
No comments:
Post a Comment