Article - I HUL HUK VE ȚHÎN EM?

I HUL HUK VE ȚHÎN EM?

"Chutiang bawkin Thlarau chuan kan chak lohnaahte min pui țhîn a; engtia țawngțai tûr nge tih kan hre si lova; nimahsela Thlarau chuan rûm sawi hleih theih lohvin  min țawngțai sak țhîn." (Rom 8:26)

            Mihring lama kan chaklohnate leh kan derthâwnnate  chuan Thlarau hnathawh a ti buai lova; mite thinlung ama lama inhawng a zawng zâwk țhîn ani. Ama chakna leh a thiltihtheihna lo lanchhuahna hmanrua ni tûra inpe phal apiang a hmang țhîn alo ni. 

            "Tûnțum chu, ka țawngțai thei lo, ka hul tlat," tih chang kan nei fo țhîn. 

             "Engtia țawngțai tûr nge tih kan hre si lova," tiin Paula pawh hian Rom mite hnênah alo sawi tawh a. Dîl ber tûr emaw, lâwmthu a hranpa êm êma sawi tûr han ngaihtuah chhuah mai loh chang a awm thei: mahse, Pathian chuan mihringte thinlung chhungril ber pawh a hre vek a, Pathian duhzawng zulzuiin Thlarau chuan rûm sawi hleih theih lohvin min țawngțai sak țhîn  ani, tihna a ni. Kan sual thupha chawi țawngțainate, lâwmthu sawi țawngțainate, damlo tana țawngțai saknate, inhlan țawngțainate, țanpui tûra dil țawngțainate, fakna hrim hrim țawngțainate a awm. Thlarau Thianghlim min țawngțai sakna chu zawm mai tûr ani a. Kan chaklohnate chu dâltu ah hmang lovin, mi chaklote tichaktu Pathian kan neih hi kan hriât nawn fo a țûl rêng ani.

        Țawngțai thlahthlam suh.