"A
TÂWP KA THLENPUI ANG CHE"
Mihâng
Derek Anthony Redmond chu British 400m race (intlânsiâkna) tlânchak ani a. Kum
1992 Barcelona Olympics ah khan Britain ai a awh a; USA mi, Steve Lewis nên tu
zâwk nge tlan chak ang, tiin khawvėlin an thlîr țhup mai a.
400m
race chu țan a hun ta! Signal a rîk veleh chuan Derek Redmond chu a kawh chhuâk
phat a, hma a hruaiin a fal nalh mai a. Metre 250 vêl a tlan tawh tihah chuan,
vanduâithlâk êm êmin a malpui tha a chat ta hlauh mai! Na ati lutuk chu a țhu
hnâwp a, a malpui dinglam chu kut khinghnihin a dawm vawng vawng ta mai a.
Mahse, a theihna zawng zawng sâwmkhâwmin a tho leh a, hmalam pan țalh țalh
chung chuan a khawngkhawbâi phei ta a. Tlan pawh a tlan thei tawh lo; mahse,
race track chu chhuahsan mai lovin a bâi phei zêl a. A hmėlah erawh chuan namên
lovin na a tuar ani tih a hmuh theih a ni. Midang chuan an rawn lehpêl zut zut a;
mahse, harsa tak chung chuan a bâi phei zêl a. Thlîrtu tam zâwk mit chu Derek
Redmond chungah chuan a fu ta zâwk hial a, mi tamtak hnuk pawh a ti ulh hial a
ni.
Chutah,
mipui kar ațangin Derek Redmond-a hringtu pa ngei, Jim Redmond chu a rawn tlan
lût ta a. Security ten an dan zawh rual lohvin a fapa chu a va kuah a.
"Ka pa, a tâwp saw ka thleng hrim hrim
dâwn!" alo ti nghâl a. A pa chuan,
"Chuti anih chuan, ka thlenpui ang che," ati ta a. An pafa chuan muang changin 400m
race chu a tâwp thlengin an hlen dûn ta a ni!
Steve
Lewis chuan pakhatna medal chu a la ta ngei a, mahse, thlîrtu mipui mit erawh
chu Redmond pafa te chungah a fu vek mai a. Finishing line an thlen meuh chuan,
mipui 65,000 rual zet chuan ding meuhin an lawmpui a, an au thangkhâwk chuan
stadium a luah khat hneh hlê a ni!
Chhiartu
duhtak, khitiang dinhmun khi i tawng ve țhîn em? Tawng ngailo kan awm âwm love.
Beidawn ngawih ngawihna, harsatna lian êm êm mai kan tawh avanga tih chhunzawm
tawh loh mai duhnate..? Min tihnat êm avanga țhulh san duh rum rumna te...?
Jim
Raymond-an a fapa Derek Raymond a rawn kuah a, a intlânsiakna tâwp a thlenpui
ta ang hian, keini pawh kan harsatna hmuna rawn tlan lût a, a tâwp min thlen
puitu tûr kan Pa vân ami kan nei asin!
"Pathian
chu kan inhumhimna leh kan chakna, Mangan laia țanpui vartu hnai reng a
ni," tih hi i hre reng fo ang u. (Sam 46:1).
No comments:
Post a Comment