BIBLE
LEH TATTOO
Mahni
theihtâwkin kan chênna tûr in ka sa ve a; ka nalh tihzâwng rawngte ka hnawih a,
mawi ka tih êm êm laiin, mi tuemawin a bangahte chuan chemte lem, chemte
kawkalh lem, rûl lem, luruh lem, pangpar lem emaw a bialnu hming, tihte lo
ziâkin lo thâi râng riâi ruâi ta mai sela, ka lâwm hauh lovang! Chutiang bawkin
kan taksa, Pathianin ama anpui ngeia a siâm hi, kan thâi rang riâi ruâi țhinte
a hmuh hian a lâwm a rinawm loh ani. Bible chuan, "Tin, Pathianin a thil
siâm tinrêng chu a en a, ngai teh, țha a ti êm êm a..."_ati ani (Gen.1:
31a). Chutia țha a tih êm êm, a thil siâm te zîngah pawh a _cial bîk taka a
siâm kan ni si a! Chu taksa ngei chu, "Mitthi avângin in taksa in zai tûr
ani lova, in ințiâl tûr ani hek lo: Kei hi LALPA chu ka ni." tiin uluk
taka enkawl tûrin min ti ani, (Lev. 19:28). "Kei hi LALPA chu ka ni,"
atih tawhna ah hi chuan mihring lamin duhdân dang kan neih ve a thiâng lo bur
mai ani! Thutâwp ani.
Sipai
leh Police lâkna ahte pawh țhalai san țha pui pui tattoo avânga hnâwl an ngah țhîn a.
"Sorkar pawhin a duhloh chu, Bilbe hian tattoo hi engtin nge a ngaih ve
dan ni ang," tiin ka in zâwt fo rêng a. Hei hi min chhânna ah ka pawm
hmiah ani.
Tin,
tûnlai khawvêl suâlna lo sàng zêl karah, Pathian miten kan hriât atan pawimawh
ka tih êm êm thil pakhat chu, Pathian duhloh zâwng kan tihte rêng rêng hian eng
natna emaw, chhiâtna emaw, tluân loh riâuna a keng tel ziah, tih hi ani!
Ka
inpuang ang e, Pathian ropuinan leh a hunlaia min bawihtu Setana mualpho nan lo
ni sela: Kan chhungkua ah pawh, pa ber
ka lerh viau țhin laite khan, mak êm êmin in lamah ka fate an hrisêl thei lo,
an bawrhsâwm tlat țhîn zuk nia! Chutiang zêlin Pathian duhloh zâwng thil ani
tih hriâtna chu, eng emaw țhalo a keng tel tlat țhîn!
Tattoo pawh hian HIV leh Hepatitis a keng tel ani!
Tattoo ațangin heng natnate hi an inkâi chhâwn theih mai ni lovin, an inkâi
chhâwng mêk zêl ani. Pathian duhloh zâwng thiltih rêng rêngin hremna a keng tel
zêl țhîn, tih hi ka sawi nawn duh ani.
Kan
taksaah, hriâtloh vanga tattoo kan lo insiâm tawh anih pawhin, inchhîra Lalpa
hnêna thupha châwi mai kan hmabâk a; anin thinlung lungchhiaa inchhîrte alo
ngaidam duh êm êm țhîn ani, tih kan hriât tawh kha. "Kal la, tisuâl leh
tawh suh ang che," alo ti mai dâwn ani. Chutichuan, tattoo tih tumna rilru
nei mêkte erawh chuan tihloh phah nan he thu tâwitê hi i hmang ang u.
No comments:
Post a Comment