ADDICT
MAI MAI
Tlai
khat chu Drugs addict pakhat, kan man fo tawh hi kan nauten an rawn man leh a.
Kawngsîra mitdel zai țhîn pakhat bâwma miten pawisa nawi an thlâk khawm kha a
țham ru lai an hmu a, an rawn man chu niin!
A
huatawm khawp mai. Kutdawh rethei pawh a rawk duh zêl mai kha mak ka ti!
"Khawnge,
addict mai mai, mihring pawh a nih hrep loh hi," tiin hlap hrep ka tum a.
Ka inhrosa nasa khawp mai a. Mahse, Lalpa chuan a mi chhinchhiah tawhte chu
khawlohna lakah a veng țhîn tih chiang takin ka hriatchhuah phah ta zawk a. A
hun takah, benga hriât theih si loh, chhungril lam ațang zawkin "aw" nêm
zawi sapin min rawn zilh țhîn a lo ni. Chu "aw" chu ngaihthlâk thiam
pawh a ngai.
Hla thu hmangin a rawn inrawlh ta anih chu:
"Ka Chhandamna Zion tlangah
chuan rawn hruai la,
An tan hmun nuam leh
hahchawlhna Ka buatsaih e.."
He
addict, hmusit êm êm chunga vuak ka lo tum mêk leh rawk alo tum mêk mitdel
rethei te hi Lal Isua tan chuan an lo "mai mai" awzâwng lo mai!
He
mite pahnih ang tan hian a ni lawm ni, Vana amah chawimawitu chhiarsênlohte
chawimamâwina pawh thlahlel zo lova leiah a lo kal? Hmangaih vanga Kraws a
hrehawm namên lo tuara a tlante kha an ni lawm ni?
"An tan hmun nuam leh hahchawlhna ka buatsaih e"
a tihte kha an ni asin!
Khami
ni zet kha chu ka tan chuan hriâtreng tlak a ni. Misualte an sualna piah lamah
Lal Isua hmangaihna rilru-mitin ka thlîr thiam ve ta a ni!
No comments:
Post a Comment