Article - I CHATUAN HMUN KHAWIAH NGE?

I CHATUAN HMUN KHAWIAH NGE?

 “Naktûkah chuan eng nge lo awm dâwn in hre si lo. In nunna chu eng nge ni? Chhûm rei lo tê lo langa, ral leh ta mai ṭhîn ang hi in ni si a.” (Jakoba 4:14) 

            Mihringte vanneihna kan ti dawn em maw ni, kan chhehvêlah mi an thi mawlh mawlh a, mahni hi chu engtikah emaw chuan kan la thi ve dawn tih ngaihtuah nachang kan hre lo angreng a; Zu kan in nasa a, kan țhiante zu _seh_a an thih pawhin mahni chunga thleng ve mai thei a nih ngaihtuaha sim phah nachang kan hre chuang lo te, accident tein mi an thi a, anmahni vuina ahte pawh kan kal fova mahse fîmkhur phah nan kan hmang hranpa pawhin a lang lo! Mahni chu in dahțhat daih kan chîng a, kan chungah alo thleng ta nge nge a - mak kan ti leh si țhîn!   

             Naktukah eng nge lo awm dawn kan hre hauh lo. Vanduaina hi kan chunga thleng ve thei a ni, tih hi kan ngaihtuah duh lo fova, kan ngaihtuahna rilrua alo awm chang pawhin hnâwl bo daih kan duh zâwk țhîn a ni.

            Hei erawh hi chu kan hriat nawn fo atan a țha: Thihna hmangin Pathian nên kan in tâwk dawn! Hringnun Khawvêl  ațanga kan Chatuan hmuna kan insawn dawnin taksa Thihna Lui kan paltlang ngei ngei dawn!

            Kan Pathian thu khi chuan, "Chhum rei lo tê lo langa, ral leh ta mai ang hi in ni si a" min ti a ni. 

            Engtik hunah nge kan hun a lo thlen dawn kan hre lova; mihring damchhung a rei lo tih erawh kan hria; mahse, thihnate hi mahni chanah kan dah duh lo țhîn a, Chatuana kan awm hlenna tûr atana inbuatsaih nachang lah kan hre hek lo! Chatuana thi ve ngai lo tur, kan Thlarau Chhandamna chang tûrin Lal Isua i pan ang u, zanin ngei ah hian.

   "Aw hun, Aw hun,

    Chatuan khua varna chu

   Chatuan, Chatuan

   Aw hun danglam tawh lohna chu.

   Aw ka thlarau,

   Tah chuan khawiah nge i awm ang?"