Article - LALPA CHU FAK RAWH U

LALPA CHU FAK RAWH U

            “Inkhâwmna ropui takah chuan felna chanchin ṭha ka tlângaupui a; Aw Lalpa, ngai teh, Ka kâ hi ka ui lo vang tih i hria e,” (Sam 40:9).

            Pathianni min hruai thlengtu Pathian chu fakin awm rawh se!

            Mahni hmun theuhah inkhawm turin, Pathian fak leh chawimawi tûrin i kal leh țheuh ang u; țhenkhat zirtirtute, țhenkhat thu hriltute leh chanvo hrang hrang nei leh nei lote pawh kan ni ang. Mahse, vawin hian kan vaiin Felna Chanchințha kan tlangaupui țheuh thei a ni. 

            Engtin nge chanvo nei lovin Pathian thu kan puanchhuah ang? Chanvo nei tute chauhin em ni Pathian thu chu an puanchhuah ang? 

            Kan Pathianthu târchhuah hian, _"Aw Lalpa, ngai teh, Ka kâ hi ka ui lo vang tih i hria e,"_a ti a; Fakna hla chuan,

   "Berâmpu țha, ka fak ang che,

    Nangma Biâkbûk ngei ah"

    a ti ani (KHB 27)

            Lalpa chawimawi nan kan awte ren lovin, a nalh emaw nalh lo emaw kan biak Pathian hian kan theihtâwp chhuaha Amah kan fak  hi a lâwm a ni. "Aw Lalpa ngaiteh, Ka kâ hi ka ui lo vang" ti chungin Pathian i fak ang u.

   Ring takin au rawh, in ren suh, Tâwtawrâwt angin i aw chhuah la....