"LÂWM FO ULA"
Hmanni
mai khan Lunglei lama awm tûra min tihna
transfer order a chhuak a. Nupui
fanau hruai thei lova hmun danga awm hi Sorkar hnathawk chuan kan hreh tlangpui
țhîn. Kei pawh ka bâng bîk lo. Chumi piah lamah chuan, kei chu post liver
transplant patient (thin thlak tawh, in enkawl chho mêk) ka ni a. Harsatna eng
eng emaw nei thut thei reng chunga awm hran chu ka huphurh hlê a. Kan hotute
hnenah pawh ka harsatnate chu ka sawi ve nual a; mahse order tih chhuah tawh
hnu tih danglam chu thil harsa a lo ni si; kan
hotute pawhin min han țanpui tehchiam ngaihna an hre ta lova, a beidawn
thlâk khawp mai!
Zan
mut dawna țawngțai a lo hun meuh chuan, dîl tûr ka hre lova, lâwmthu han sawi
chhan tûr pawh ka hre hek lo. Ka hul tlat!
Ka
țawngțai ta thova, "Lalpa, i thil tih danah hian ka lungawi thlâwt lo;
zaninah hian i hnênah lâwmthu ka sawi chhan tûr ka hre rêng rêng lo." tia
Pathian ka (in tih) ânkhum mawlh mawlh laiin, helai Bible chang, thumal pathum
chauh awmna kher tê hi a lo lang tlat pek a: "Lâwm fo ula; tih lai tê hi
(1Thess 5:16). Mak ka ti khawp mai!
Țawngțaina
pawh ti tâwp ta lo chuan, ka tho chhuak a, Bible ka keu ta a, 1Thessalonika 5:
12-13 ațangin ka chhiar thla zêl a, "engkimah lâwmthu hril rawh u" a
lo la ti ta deuh deuh!
"Anih
leh, Lalpa, lâwmna chhan tûr engmah ka hrelo. Mahse i thupêk anih tlat avangin
'Ka lâwm tho e' ka ti tâu nghawng nghawng a ni berin ka hria!
Muthmunah
chuan ka ngaihtuah zui ta neuh neuh a. Lalpa chuan heti hian ka transfer order
avang ngei mai chuan ka lâwm êm êm na chhan tûr min hriattîr ta a ni: Thi mai
tûra mi tamtakin an ngaih tawh, mimal leh chhungkua leh kohhranten an țawngțai
sak mawlh mawlh țhin, Mizote zînga thin thlâk damrei ber ni mêk; inenkawlna țha
mamawh vanga tûn thleng pawha hna hahdamna hmuna hotuten an dah hi, Pathian
khawngaihna avangin ngai ka lo awh leh thei ta a. A 'area' zau zawngah ngat
chuan Mizoram District liân ber, Myanmar leh Bangladesh nêna ramri ințâwm
lehnghâl, Lunglei District S.P ni tlaka hotute mithmuhah ka lo awm leh thei ta
mai hi. Lâwm nachang hre tûr ka va ni tehlul êm!
Ka lâwmna chu nasa tak a ni!
LALPA, ka lâwm e!
No comments:
Post a Comment