Article - KHENGBETTU TE TAN A ȚAWNGȚAI

KHENGBETTU TE TAN A ȚAWNGȚAI

            Pastor Vanngura chanchin khawiah emaw ka chhiar tawh a; Champhai lama a awmlaiin, bial fanga a kalnaah Savawmin a seh niin an sawi a. Savawm chuan a sawisak hrep hnu chuan a kalsan leh mai niawm tak a ni.  

              A hnua an kawmnaa a thusawi hi ropui tak ani: 

            "Savawm chu fel tak a ni. Min seh chauh hnu khan min kalsan mai a. Keimah zawk chuan hneh zawk niin sawisa chau thei ni ila chuan, ka kalsan mai hauh lovang. A sa ka chan anga, ka ei senloh thlengin ka rep ang. Savawm chu kei ai chuan fel tak a ni," tiin a chhang a ni, an ti.

            Pathian mite chuan, a chan chhezawk dinhmuna an din lai pawhin, anmahni tiduhdah tute țhatna lai an hmu hrâm țhin!

            Pastor Vanngura ah hian a rawng a bawlsak, Lal Isua mizia a lang chiang hlêin ka hria; Khengbettu te tan a țawngțai sakna rilru kha!