Article - KAN CHAKNA LALPA

KAN CHAKNA LALPA

“Mangan nia i chauh mai chuan I chakna a beitham a ni.” (Thufingte 24:10) 

             “Ka thinlung hi a lungngai a, Ka rilruah pawh chhun angin ka awm si a; Mi mâwl leh eng mah hre lo ka ni a, I lakah chuan sa ang mai ka nih hial ṭhin kha.

             Nimahsela, i hnênah ka awm fo va; Ka kut ding lam hi i lo chelh ṭhîn a. Nangin i remruatnain mi hruai ang a, Chumi hnuah chuan ropuinaah khian mi lâwm ang.

            Vânah khian nang lo chu tu nge ka neih? Leiah pawh hian nang lo chu ka duh tu mah an awm lo.

            Ka tisa leh ka thinlung hi a chau ta a; Nimahsela, Pathian chu kumkhuaa ka thinlung chakna tûr leh ka chanvo tûr a ni."  (Sam 73:21-26). 

            Ani, manganni nei țhîn mihring, tisa leh thinlung chau a fo țhîn leh lungngaihnain a tlâkbuâk țhinte kan ni a; chhun ang maia rilru leh taksa na țhînte hian, kan tisa leh thinlung hi chau mahse kumkhua pawha chau ve ngai lo Pathian kan nei a, Ani chu kan Chakna Pathian leh kan chanvo a ni tih hi i hre tlat țhîn ang u. Ani chuan țahna ruam zawh țhin mah ila tuihna awmna hmun min hruai thleg țhîn si a.   

            Vânah pawh kan neihchhun, leiah pawh kan ro hlu ber Lal Isua chu fakin awm rawh se.