Article - COMPLETION REPORT ROPUI BER: "A KIN TA"

COMPLETION REPORT ROPUI BER:    "A KIN TA"

            Tin, Isuan uain thûr chu a lo in zawh chuan, "A kin ta," a ti a.Tin, a lu a kûn a, a thlarau a thlah ta a.(Johana 19:30).

            He Lal Isua țawngkam hnuhnûng hi Johana chauh hian a chhinchhiah a. Thlîrtu Juda mipuite leh Pharisai te chuan ,"Ka tlin ta ngang lo ve," a tihna emaw an lo ti a ni mai thei. Chhiartu tamtakin a thih tâk thu a sawina emaw an ti fo bawk! Johana 17:4 nên chhiâr zawm ila, a fiah vek mai:

            "Nangin thil tih tûr mi pêk kha ka ti zo va, khawvêlah ka chawimawi tawh a che." a tihna a ni zâwk!

            Thil tih tûr Pa Pathianin Lal Isua hnêna a pêk, a tih zawh tâk chu eng nge ni? Eng thilah nge Completion Report hi a pêk le?

            Genesis ațanga Malakia inkara Thuthlung Hlui Zâwlneite hrilhlâwkna zawng zawng, a zavai chuan 300 chuangte hi Mesia, Khawvêl Chhandam tûra thi tûra pêk a nih tûr thu sawina vek an ni a; chung hrilh lâkwna zawng zawngte chu amah Lal Isua hian he darkarah hian a hlen zo ta vek e, tihna a ni! Project ropui ber mai, Leilung piân hma ata tawha Pathian hna hmachhawp chu tûnah hian zawh fel a ni ta e, tihna a ni! Completion Report Ropui ber a va ni chiang êm!

            Pathian laka leiba chu a bo - a bâng awm lovin, rulh fâi a ni ta vek e, tihna pawh a ni. Amah Lal Isuan Pathian laka a bat chu a rûl, tihna ni lovin; khawvêlin a bat chu Lal Isuan a rûl fel ta, tihna.

  Lungngaih sawi hleihtheih loh tuarin.

  Kalvari ah  Ka sual man bat min tlâk sak zo ta!"

            Thisen chhuâk lovin sual ngaihdamna a awm thei si lova, thisen thianghlim sual kai lo inthâwina tûr chu an hmu zo si lo!

  Tu nge lehkhabu hi hawng a,

  A chhinchhiahnate hi phelh tlâk awm?"

  Chutichuan, vânah te, leiah te, lei hnuaiah te pawh, .....

   hawng thei tumah an awm lova" (Thupuan 5:2-3).

            Chuvangin, Beramno chu Pa Pathianin a tîr ta a ni. Chu Pa Pathian tirhnaah chuan thu awih takin a thawk zo ta, tihna pawh a ni(Johana5:30, 6:38).

   Misual thal alh thei zawng zawng chu a timit ta(Ephesi 6:16), tihna pawh a ni!

            Pathianin ama fel zia entirnân Krista Isua chu, a thisena, rinna avanga sual thupha chawinaa a ruât (Rom 3:25) chuan, chu a chanvo chu a hlen zo ta, tihna a ni bawk a.

            "Isua ring apiang thiâm chantirtu a nih theihna tûrin,"(Rom 3:26b) chhandamna kawng buatsaih hna chu a zo fel ta a, A Kin Ta a ni!