Article - I KIR LEH DAWN

I KÎR LEH DAWN

            “Tin, Lalpa Pathianin leia vaivutin mihring a siam a, a hnârah chuan nunna thaw chu a thaw lût a; tichuan, mihring chu mi nung a lo ni ta a.” (Genesis 2:7)

“Vaivut chu a awm angin leiah a chang leh a, Thlarau chu a petu Pathian hnênah a kîr leh a ni.” (Thuhriltu 12:7)

 

Kîr leh tur kan ni tih kan hriat nawn fo hi ava țûl em !  I hmêl țha tak, i taksa ruangam pian nalh bîk, i duhawmna zawng zawng te kha vaivuta kîr leh mai tûr an ni a. Chutiang bawkin, i hmêl chhe bîk tak mai, rual ban lohna nei, taksa famkimlo pawh kha vaivutah tho a kîr leh dâwn. Lal Solomona'n, "Engmah lo mai an ni," a tihte kha an ni.

 

Chatuana nung  Pathian nunna thaw (thlarau) kawltu kan ni a. Hei hi vaivuta chang ve lo tûr, lei taksa vaivuta siam hi vaivut vêka a kîr leh hunah pawha ral ve lo tûr chu ani a. Chhungril lama hrisêlna, chhungril lama mawina, chhungril lama duhawmna zâwk kha Pathian hnên min thlentu tûr zâwk chu ani tih hre thar leh ila.

 

Thlarau chu a petu Pathian hnênah a kîr leh dawn a, chu chu nangmah diktak zâwk chu ani si a.