Article - KRISTA MO

KRISTA MO

                                  

            Nl. Zoramthangi @Tei kha a tleirâwl chhuah ațanga Pathian rawngbâwl tûra inpe ani a. A vânglai takin Rabha ho zingah khuan Missionary hna thawk turin a lût thla a. Rabha hnam ho hnêna Chanchințha luhpui hmasa berte zîng ami ani hialin an sawi. Pasal neih zai pawh a rêl lova, a rawngbâwlna ah khan a in pumpêk vek mai țhîn a.

Tei chu cancer natnain a tlakbuâk ta hlauh mai a, a ni telin a chhe rawih rawih ta mai le! Natna khuma a mut lai chuan, ni khat chu Rabha nuho rual khat zet mai hi an lokal a, engkhaw sawi lovin, Tei chu an tifai a, an chei chiam mai a. Nalh thei ang berin an chei ani.

 

" Eng thil nge ni ta, engati nge hetianga min tih chiam?"

  

" Pasal neih zai pawh rêl duh lovin, kan hnam tan i inpe zo vek a. Tunah chuan pasal kan neihtîr dawn che."

  

" Pasal neih ka duh hlei nem!"

   

" I duh loh theih loh mi, kan neihtîr dawn che. Mihring mipa pasal atan i duh si lova, Isua nên kan inneih tîr dawn che ani!"

  

Tichuan, Tei hriat loha an sum thawhkhâwm ațanga an lei, rangkachak zungbun tereuhtê chu an phawrh a, puithu leh khûnkhân êm êmin Tei chu an buntir ta a!!

 

Nl. Zoramthangi @Tei chu a nat viau tawh hnu ah, an khua Lunglâwnah chhungten an la chho ta a. Țhat ahnêkin cancer natna chuan a ei ral tial tial a; Isua avanga a hmangaih êm êm Rabha ho tâna țawngțai chung zêlin, a Lalpaah a châwl ta a.

   

A thihni thlengin chu inneih zungbun chu a bun ta ani