WHEN
I GO HOME
Tûkin chu he hlachang hi ka rilruah a
cham tlat mai a, ka rilrua thil awm ka rawn share lawk ang e:
"Aw engan nge maw Khuanu hian,
Hringnun hi alo duan le?
Thâmral leh mai tûr hianin maw!
Duh vâng rêngin kan piang si lo."
Chuti ngawt chu ani thei dawn em ni? ka ti a.
Lo piang a, dan pangngaia seilian a, lo tar a, chhûm anga thâmral leh ringawt
tûrin maw? Chumi piah lamah chuan ka nun hian awmzia a nei tûr ani ngei ang.
Engtik ni ah emaw chuan ka la thi ve ngei
dâwn a. Ka chênna in chu "mitthi in" anlo ti anga; ka nupui fanaute
chu "khawhar chhungte" tih anlo ni ang a; Vuitu in ka piangthar emaw
thar lo emaw, chhungte rilru dam nan tal - min 'chham kai' hrâm a tum anga. Ka
chanchin, a țha zâwnga sawi tûr awmchhun ve tê tê an sawi liam liam anga. Ka
thawnthu chu a tâwp tawh ang! Heti ringawt chu ani thei lovang, a ho êmai;
thâmral leh mai tûra duan han nih ngawt mai chuh!
Ka samzai zât nên lam maia min hre fai vek tu
chuan, awmze neia nung tûrin, Ama tan leh ka mihring puite tan ka theihna zawng
zawng hmanga hnuhma țha leh hriâtreng tlâk tam thei ang ber hnutchhiah tûr atan
min siam ani ngei ang.
Kan inpui bera han haw hma hian, țhatnain
rawng inbâwl tawn sak ila, thil țha tih i ning lovang u.
No comments:
Post a Comment