Article - IMANUELA THI ZAMAH

IMANUELA THI ZAMAH

Suala tlûte tana Lal Isua thinsena sual tlenfâina leh Chhandamna kawng kawh hmuhtu, he hla mawi tak mai phuahtu William Cowper (Cooper) hi November ni 26, 1731 ah Great Berkhampstead khua, England ah alo piang a.

 

Kum 6 mi lek anihin anu in a thihsan a. Chu mai ni lovin, a nunah chuan hlawhchhamna leh beidawnna tamtak a paltlang zui a. Chu chuan kum 1763 chho vêl atang phei chuan "depression" nasa tak a neihtîr in, St. Alban's Hospitalah te enkawl alo ngai ta hial a.

 

Hemi hnu hian "Khawngaihna mak mawi leh duhawm" tih hla phuahtu, John Newton nên in kawm ngeihin, zawi zawiin a "depression" pawh chu alo ziawm ta a. Depression a neih lai, kum 1771 vêl niin an sawi, he hla duhawm tak mai hi,  Zachhariah 13:1 "Chumi niah chuan sual leh bawlhhlawh tlen fai nân, Davida chhûngte leh Jerusalem luahtute hnênah tuikhur (Lal Isua thisen sawina) hawnin a awm ang..." tih nghah chhanin a lo phuah ta ani.

  "There is a fountain filled with blood

   Drawn from Immanuel's veins.

   And sinners plunged beneath that  flood,

   Lose all their guilty stains."

Rilru lama khawharna thûk tak, tuarna namên lo dinhmun leh beidawn rum rumna ațangin he hla, mite hnêna beiseina petu ( Lal Isua thisen thiltih theihnaah) hi alo piang chhuak ta ani! Eng anga sual bawlhhlawh tan pawh tlenfâina, beidawng te tan beiseina, khawngaihtu nei tawhlo nia inhria te tân-

  "Thisen lui chu ka lo hmuhin,

   Khawngaihnain a khat.."

            Tin, thlamuan thlâk ka tihna êm êm leh chu, Lal Isua thisen hi a rintlâk ani-

  "Chatuan pawhin a kang lovang,

  Misual faina lui chu!"