Article - A saw râltiang tlangah KRAWS HLUN TAK CHU A AWM

A saw râltiang tlangah KRAWS HLUN TAK CHU A AWM

"Kei erawh chuan kan Lalpa Isua Krista Kraws lo chu ka chhuan loh tûr zia mai chu..."(Gal. 6:14a)

 

Ka ngaihtuah fo țhîn a, Tirhkoh Paula hian Kraws a chhuan thu hi a lehkhathawn hovah hian a sawi nasa a. Hetia ngaihtuah mai chuan, Kraws hi thil râpthlâk tak, Rom Lalram (Roman Empire) vânglaia misual, Dan anga thiam chang tawh lote tih hlumna hmanrua ani a. Tûnlai khawvêla Gallows, Electric Chair, tihte nên hian a tehkhin theih ang chu. Kraws thleng țhîn te chu Nung tlâk tawh thlâwt lote, Ânchhe dawng - mite huat rawnte, Thiâmthu sawitûr rêng rêng nei tawh lote, Bawlhhlawh tinrênga mi bawlhhlawhte, Leiah leh Vânah pawh nung tlâk lova ngaih te an ni a. Tuarna leh mualpho târlanna ani.

 

Kalvari tlanga kan Lal Isuan a luah darkar ațang chiah erawh kha chuan, kan tan a lo hlu ta êm êm a, awmze danglam tak alo nei ta a: Kan tana Chhandamna hlenna hmun (Completion of the work of Salvation) anih  tâk avangin! Amen!

  

A saw Râltiang Tlangah (KHB 203 ) tih hla phuahtu, George Bennard chuan Kraws chu Kristiante Chhinchhiahna leh Sakhuana Symbol mai ni lovin, Chanchintha laimu (core) ani, ati.

 

On a Hill far away, stood an old rugged Cross - An emblem of suffering and shame  (A saw râltiang tlangah, Kros hlun tak chu a awm - Tuarna leh mualpho târlanna chu) tih hla hi kum zabi 20-na a Pathian fakna hla lâr leh sak hlawh ber pâwl ani a. A phuahtu George Bennard-a  sawi dânin, kum 1913 chho khan Kraws hlutzia hriat châknain a nun a tuihâl a. Thlarauah phûrna nasa takin a nun a luah a, he hla The Old Rugged Cross  hi a ziak ta ani.

 

Kan Lal Isua Kraws - a landân ah pawh mawi fahran lo, tuarna leh mualpho târlanna ni mahse, kan tan Chhandamna famkim hlenna leh chu Chhandamna chhinchhiah na chu ani a; thlah lovin i vuan tlat zêl ang u, Lallukhum Ropui nên kan la thleng (exchange) dâwn si a!