Article - "KA PA," TIIN KA KO LEH THEI TA

"KA PA," TIIN KA KO LEH THEI TA

"Tin, behliang mun hun lai vêl chuan Isua chu aw ring takin, "Eloi, eloi, lama sabakthani?" tiin a au chhuak a (chu chu, "Ka Pathian, ka Pathian, engah nge mi kalsan?" tihna ani). (Matthaia 27: 46).

  (Bracket chhunga mi khi a pawimawh lai tak chu ani). Isua kraws lêra a awmlai, a hnuk chah dâwn têp a Pathian a auhna țawngkam ani.

 

Zawhna pawimawh deuh deuh rilrua lo awm ta chu:

 

Kha lehchen, tûnhma zawng zawng pawha "Ka Pa" tia Pathian sawi țhîn, amah pawh vawi tamak chu Pa "Fapa" nia insawi țhîn si, hetah hian, "Ka Pathian" tia a koh tâk daih mai le? An va in mihrang biak ta ve? Pa leh Fa inlaichînna kha khawiah nga a bo tâk? A zirtîr te zing a mi Dr. Luka phei chuan, "... chawfâk  hunlai alo ni a, chumi achin  behliang mun hun thlengin khawvêl alo thim ta vek a, ni êng a reh ta a.." tiin a ziak a (Luka 23: 44).

      

A chhânna chu hei hi ani:

 

Isua  khan ka sual zawng zawng a inbel vek lai ani a. Chu ka sualte chu a thihpui dâwn mêk lai ani a ("Khawvêl sual" kan tih hian midang va hmehbel a awl. Sakhaw dang betute va bûrbun kan chîng. Chuvangin hetih hunlai tak hian Lal Isua kha keimah ka ni). Chuti taka sual belhkhâwm amahah khân a inbel tlat avangin, chu sualna chuan "Pa" leh "Fa" chu ati hrang ta a. Keima bawlhhlawhna chuan pa leh fapa inzawmna ati chat vek a; thim nasa tak mai, khawvêl ti thim vek khawpa nasa chuan an inkar pawh a hliah vek hial a. Pathian thianghlimna leh ISUA (KEIMA) bawlhhlawhna chuan eng inlaichîn na mah a neih theih tâk loh avangin,  "Pa" tia ko thei rual ani lova, A PATHIANNA AȚANG CHAUHIN A DÂWR THEI TA ANI!

 

Ka sual zawng zawng, Amaha inbel chu a thihpui țhak a, chu chu ka thihna alo ni a, Ama ruala ka thih avang chuan a thawhlehna pawh țawmpuiin (sual erawh thlânah kalsanin), tholeh taksa thianghlim nên chuan, "KA PA"  TIIN KA KO LEH THEI TA ani !