KRISTIAN
CHHUNGKUA
"En
teh, inu kha" (Johana 19:27)
1.
Pathian engkimtithei tan hian a
fapa mal neih chhun khawvela rawn tir tur hian lei chhungkua ruai lovin ati
thei ngei ang. Mahse, inhmangaih em em, Josefa leh Mari inkar a rawn thlang
tlat! A fapa chu chhungkaw inhmangaihna leh zirtirna țha karah lo sei lian se a
duh ani. Chhungkua hi Pathianin a ngai pawimawh tihna ani. Adama leh Evi kara
alo din, sual avanga hmêlhem ta chu a fapa mal neihchhun hmangin din thar leh a
tum ani.
2.
Isua chu a nu leh pa thu zâwmin a
lo țhang lian a. Ni riat nia serh tanin, kum 12
a nihin Kalhlen Kûtah hruai a ni. Chhungkaw inzirtirna țha karah
Chhandamtu alo chhuak anih chu.
3.
A thih dâwnin Jerusalem fanute chu
an fate tana țap tûrin a chah a. Kraws lêr ațangin a nu leh zirtir a hmangaih
(Johana) te ding dûn chu a thlîr țâwk țâwk a, "En teh i fapa kha....en teh
i nu kha" tiin lo inenkawl tawn tûrin a chah zui lawm lawm ani. A nu chu
zirtir hian a inah a hruai haw ta nghe nghe. Kraws lêra a rûm lai pawhin nu leh
fa inkara inhmangaihna pawimawh zia Isuan a hmuh hmaih lo, a nu a hmangaihna
leh ngaihtuahna a la lang zêl ani.
Pathianin chhandamna a buatsaihna ah hian
chhungkua hian hmun alo va chang thûk em! Keini pawhin heti êma min chhandamtu
in a ngaih pawimawh 'chhungkua' hi i ngai pawimawh ve ang u.
No comments:
Post a Comment