Article - THIANGHLIMNA TLANG LEH TLANG THIANGHLIM

THIANGHLIMNA TLANG LEH TLANG THIANGHLIM

Bible ah hian tlang lâr deuh deuh pahnih, in ang lo tak tak an awm a. Chu tlang pahnihte chu:

1. Kalvari tlang

2. Sinai tlang

1. Kalvari tlang thleng țhîn te chu-

(i) Ânchhe dawng te;

(ii) Nun beidawng te;

(iii) Nung tlâk tawhlo te;

(iv) Thiamthu sawitûr nei tawhlo te;

(v) Chanchin țha nei tawhlo te.

2.         Sinai tlang ah erawh chuan, Pathianin a kawm fâl duh, Mi thianghlim, Mi dik leh rinawm, A mite hruaitu atan pawha rintlâk te chauh an thleng phâk ani. Hêng nihna te hi Mosia ah khan kan hmu a; kei erawh hi chu ka qualify lo tih ka inhria a.

 

Kalvari tlang thleng țhînte ang khi ka nihna chu ani a. Mahse, chu hmunah chuan Isua Kraws maktak mai chu a awm ani! Kraws bêla ka awm reng loh chuan, bo hmang ka ni tih ka inhria a. Chuvangin Kraws bula awm reng mai hi ka tan chuan a him ber ani. Mawi ka tih êm êm mai chu, mitdel hla phuah thiam Fanny J. Crosby hla,

    "Jesus, keep me near the Cross,

     There a precious fountain,

      Free to all - a healing stream

      Flows from Calv'ry mountain!"

 

Kraws dinna hmun, Kalvari chu Khawvêl hrehawmna, ânchhia zawng zawng LEH Vânram ropuina zawng zawng in thlâkthleng na hmun anih avângin, "Ka thlarau lui piah lama lâwm taka a chawlh thlengin" ka tan chuan Kalvari tlang hi a hlu a, ka awmna hmun tûr pawh ani.