Article - I ȚHAHNEM NGAIHNA: I TAN HLÂWKNA

I ȚHAHNEM NGAIHNA: I TAN HLÂWKNA

            "Thih thlengin rinawmin lo awm rawh, tichuan nunna lallukhum ka pe ang che. (Thupuan 2:11)

 

In satu (mistiri) upa ve tawh tak hian, a ruai tupa hnênah, "Ka hna hi chawlhsan a, nupui fanaute hnêna chawlh hahdam ve ka duh tawh a, ka bang mai ang e," ati a. A pu chuan, "In pakhat chauh min sak sak leh la, i châwl tawh dawn nia," ati a. Tichuan a tâwp ber atan in chu a rel leh ta a. Mahse, a rilru tak tak a hmang peih tawh lova. Hmanrua pawh chhe tê tê leh a awlsam thei ang ber hmangin hun reilo têah in chu a sa zo ta mai a.

 

Chutia in a sak zawh tawh thu ava sawi chuan, a pu chuan, "I vânglai zawng zawngin ka tan i thawk a; chuvângin, lâwmthu sawi nan tiin a tâwp ber atan nangma in tûr ngei ka sak tir che anih kha. Va luah lût nghal la, i nupui fanaute nên chuan hlim takin va khawsa rawh u. Nangma in ani e." alo ti a. In satu lâwmna aiin a inchhîrna chu nasa tak ani!

 

Nitin a kan thil tihte hi keimahni tan vek alo ni! Chuvangin engkimah rinawm leh țhahnem ngai takin i thawk zêl ang u. Lallukhum min tiam si a.

 "A duhzâwng ka tih apiangin

  Mal min sâwm fo țhîn.

  Țhahnem ngaihna chang ka hriatin

  Ka tan malsâwmna."