Article - THIHNA NUN

THIHNA NUN

  

Unaute u, Krista Isua kan Lalpaa ka chhuanna che u chu chhalin, “Ni tin ka thi țhîn,” ka ti a ni. (1 Korinth 15:31)

  

Kros chanchin an sawi hian thu hriltu tamtak chuan, Kros-a khenbehten hrehawm an tih zia te, mite hmuhsit an hlawh nasat zia te an sawi țhîn. A râpthlâk mang e!

  

Ka lo ngaihtuah zui țhin a: mu lukawlh ten an thih hun nghâk a, an lu zâwna an vir vut vut laite. Mu lukawlh lian chi, Buzzard hian sa rêng rêng an thih tak tak hma chu an ei ngai lova, an keih/chuk chhin a, alo la tâl feih feih chuan an thlâwk kâng leh daih țhîn. Chutiang chuan an zuk 'test' chhên mai a, a thih hlimin an ei ta țhîn a. Ruang chhe tawh, thihna rei lutuk tawh an ei duh ngai lo.

  

Hetiang mu lukawlhte 'food habit' hian zirtîr țha deuh mai anei a: Ringtu kan nih chuan Krista ruala khenbeh, a thih ruala thi, a thawhlehna țâwmpuitu te kan ni a. Tirhkoh Paula chuan, "Nitin ka thi țhîn" ati. Keini pawh hi kan la thi lo anih chuan (kan la tâl feih feih chhung chuan) misual ten kan thusawi leh kan nun an ei duh lovang a; chutiang bawkin, (Krista-a) kan thihna kha a rei tawh lutuk chuan, min ei duh bawk lovang! A thi tharlâm tak zêl chauh an ei thei!

            Keimah hi keima mihrinna ah ka la nung feih feih em? Nge, hma-a-a-a-na ka thihna (piantharna) kha ka la ring tlak tlak? A eng zâwk pawh khi ni ila, misualten ei tlâkah min ngai lovang a, ka rawngbâwlna a nung hek lovang!

  

Nitin in, Kraws ah khan i thi thar leh  țhin ang u; chutichuan khawvêlin keimahniah EITÛR ȚHA an hmu dawn nia.

  

I rawngbâwlna apiangah  Lalpan malsâwm che rawh se.