Article - THALAITE PUAL

ȚHALAITE PUAL

            "Țhalaite u, in vânglai chên ula. In la naupan viau lai hian hlim rawh u... Amaherawh chu chûngah chuan Pathianin in chungah Ro a rêl dâwn tih hre reng ang che u."(Thuhriltu 11:9)

 

Thuhriltu bung 11 chang 8 tâwpna leh chang 9 inkara thu ril deuh mai hi kan chhiar kân fo em aw? A thupui (heading) hi -

       Thalaite hnêna thurâwn  a in ti kulh mai! Bible ah hian khawiah mah Putarte emaw, Pitarte emaw, Nausênte emaw hnêna thurâwn a pêk kan hmu lo! Thalaite chauh, duhsak takin thurâwn a pe zuk nia!

 

Enge a sawi tum ni ta ang le? Kan Pathian hian kan țhatlai nite hi nuam ti tak leh hlim thei ang bera kan hman min duhsak ani. Yes! A va lâwmawm êm! Mahse, kan nawmchen dân erawh Pathian pawm theih chin (within permissible limits) an nih a ngai tih hetah hian min hrilh lâwk a - "Amaherawh chu chûngah chuan Pathianin in chungah Ro a rêl dâwn tih hre reng ang che u," tih ah hian.

 

Tunlai huna thalaite hian nawmchen dân dik kan hre lo fo; hlimna diklo zâwk kan thlang țhîn hi a pawi êm êm a. Bible in nuam chên tûr leh hlim tûra min duhdân ani țhîn lo. Hlimna diktak ah chuan a tûka lunat bur a awm lova, an rai palh lova, an insual buai nuaih nuaih lova, dâwt hmanga sawifel zui a ngai lova; a hnua inthiam lohna emaw,  inchhîrna tûr rêng rêng a awm ngai lo. Hlimna dik chu a tluantling a, a zawngchhang tlâk hliah hliah țhîn ani!

 

Pathianin kan țhatlai nite nuam tak leh hlim taka hmang tûrin min duhsak ani, a va lâwmawm tehlul êm!