Article - NUNNA HI LALPA KA PE

NUNNA HI LALPA KA PE

Frances Ridley Havergal (1836 - 1879) kha kum 46 mi lek niin a boral a. Mahse, a damchhung hun reilotê ah khan Greek leh Hebrai țawngte a zir bâkah, Sam bu, Isaia ziak, leh Thuthlung Thar  bu tam zâwkte a vawng (by-heart) hman a, Pathian fakna hla 80 vêl a phuah hman bawk! Hei  ațang ringawt pawh hian a 'ti mai mai' lo tih kan hre thei âwm e. Pathian tana a inpumpêkna a ropui ani. A chanchin ziahnaa an sawi dânin, kum 1873 khan, chhungkaw pakhat hnênah a va mikhuâl a. A thlen in-te chu an vaiin mi 10 chenna chhungkua an ni a. An zingah chuan a țhen Christian inti ve satliah (Nominal Christian), a hming maia ringtu inti te an ni hlawm a. Frances chu, "Lalpa, an vai hian min pe rawh" tiin a țawngțai ta ringawt mai a; mak tak maiin, a hâwnsan hma ngeiin, chu mite chhungkua chu mi 10 ah 10 an lo piangthar ta a! Frances chu lâwmna sawi hleih theihlohin a khat ta a! A hâwn hma zanin he hla thu hi a ziak ta ani-

  "Take my life and let it be

   Consecrated, Lord, to thee

   Take my moments and my days,

   Let them flow in ceaseless praise!"

Kristian Hla Bu number 451-na ah khan Mizo țawnga lehlin a awm a:

  Chang 1-na ah a nunna, mit

  khap kar;

  Chang 2-na ah a kut leh ke;

  Chang 3-na ah a aw leh ka;

  Chang 4-na ah a sum leh rilru;

  Chang 5-na ah duhthlanna 

  leh thinlung;

  Chang 6-na ah 

A  HMANGAIH THEIHNA  ZAWNG ZAWNG Lalpa hnênah a pe! Haleluiah!!

Țhalai duhtak, Frances khan kum 46 mi lek anih in khawvêl a chhuahsan kan tih tawh khi. Kum engzat mi nge i nih le?

 

Frances ang khian chang 1-na ațanga chang 6-na thleng i pêk atan Lalpan a nghak reng a che.