Mimal Ngaihdan - Tumpui Veng Kolasib kha

ȚUMPUI VENG, KOLASIB KHA

  

  

Pathian hian "thil mak" hi awmze nei/ tum nei (with a purpose) in a lantîr thîn. Entute mak tih atan mai mai ni lovin. Vai magician tluk lekah kan dah palh ange! Tih tak êmah chuan, Phenolpthalein hi colourless liquid ania..Base nên a react chuan khitiang pink color khi a chhuak!

  

Kolasib thil mak pawh hi, tui alo sen khân - eng nge ngaithlatu te tan hlâwkna a neih? Thlarau a châwm em? Tin, khi post atang khian, Pathian aiin Speaker khi a langsâr tlat in ka hria. Miin Pathian an hmuh loh a, Speaker an hmuh len zâwk vaih chuan, Setana hruaibona ( diversion/ distraction) ani thei ang em?

  

Paula khân, Juda ten chhinchhiahna an zawng a, Greek te chuan finna an zawng thîn, ati a. Keini Mizote hi chuan chhinchhiahna hmu thiam si lo, finna nei bar si lovin eng pawh hi kan hmu "rau" zung zung mai anih hi!

 

A changin Pu.Vanawia "pen lang thei lova thu inziak zet zet"( Sangau) te kan dah "rau" a..Pu. Chana hurna hmu "rau" in kan fanu te kan "training" tîr a (Baktawng), lungpui hlauvin kan pêm khâwm a..(CCKP, Khawruhlian)!

 

A vengva pâwlin parda ah (Mualpui tlang kha), thingkûnga milem maksak ah (Kêlkangah), tui khawhthla ah ( Vaipuanzar kha) Isua kan zawng chiam chiam a!

 Lal Isua hi a rawn lan leh hunah chuan, khitiang thil maksak pui pui kâra i zawn buai a ngai lovang. Whatsapp Group ah pawh i post kual hman lovang. VÂN TAWTAWRÂWT RI NÊN, VÂNTIRHKOH CHUNGNUNG BER AU THÂWM NÊN, ROPUI RÂPTHLÂK TAKIN, HAI DER RUAL LOHIN  alo kal dawn, tih Bible in min hrilh. Photographer tuemawin "Ka mit ngeiin ka hmu" tih vêl mai mai! Lal Isua lo kal leh hunah chuan, "Mit tinrêngin" an hmu ang! BUAI SUH!

Isua Thisen "Duplicate" ang hrima siam ka remtih loh vanga sawi ka ni e.

 

Ringtu te ah thiltihtheihna ropui tak a dah a, mahse ennawm ang mai maia "Show" kual atan ni lovin, awmze nei, tum nei (with a purpose).  Damlote chungah kut ngatin an tawngtai anga, an dam ang; ramhuaite an hnawtchhuak ang, mitdel te, kebai te an dam anga, Ka hmingin "thil mak" an ti ang, tih ani a.

 

Glass chhunga tui alo "pink" anga bucket ah an ti pung thûr thûr ang, ati lo!!! Thlarau nun a châwm lova, Chanchintha ti fiah tu atan a tangkai hek lo. Vaiho "Ganga Jal"  ang lek ani....!

"Krista thisen hlu tak chhuak chu

 Ka tan a hlu ani...." a lem siam kual vêl kha ka remti bau lo ani..thîkthu pe chhe ngam tlat!