Article - THLÂN HIAN A FAK THEILO CHE A

THLÂN HIAN A FAK THEILO CHE A

            Tûkin chu ka țhianpa Zoramchhana zin haw lamin kum 2007 a chatuan ram min pansan ta, ka nupui Vanlalhmangaihzuali thlân, Leithum a awm chu haw pahin a rawn tlawh a; thlalâk te min rawn thawn a. Rilru a thar duh hle mai!

  

A damlai chuan, kan fate pawh an la tê a, khum khatah kan la mu ho dial dial țhîn kha ania. Mut hlimah khuma zai kan chîng a, Pathian hla, chorus tawi tê tê ang te hi naupangho zirpui a peih țhîn khawp a. Tunah zawng, kan fate pawh an mu hrang vek tawh a, an zai ngai tawh hek lo. Thimhlim ah naupang zai ri hriat tûr a awm tawh lova, an zai hruaitu ber zâlna hmunah pawh granite lung a ding vû tawh mai! Fakhla sak zai rêng a rêl theih tawh loh!  Naupangho hnêna Pathian thutak hriattîr pawh keima kovah vek a innghat ta chu ani  a. Ka rilruah helai thu hi alo lang nghâl a, ka rawn share ani e:

 

“Thlân hian a fak thei si lo che a; thihna hian a chawimawi thei hek lo che; Khuarkhuruma chhukte chuan i thutak chu an beisei thei lo a ni. Mi nungin, mi nungin, anni ngei chuan, vawiina ka tih ang hian an fak ang che; Pa chuan fate hnênah i thutak chu a hriattîr ang. Lalpa chu mi chhandam tûrin a inpeih reng a ni; Chuvângin, kan dam chhûng zawng zawngin, Lalpa inah chuan Ka hlate hi ṭingṭangte nên kan sa ang." (Isaia 38:18-20).

                            ....                                               

1. 961232 4279 hi - Dr.H.

Ngurdingliana, MLA

2. 9862914683 hi J.Lalthafamkima (Keimah)

            In thlahrung lovin, hrechiang duh chuan tu emaw zâwk zâwk min rawn zawt zêl rawh u. Mamawhtu hriat kan nei em, blood screening chauh khi chawi ngai. Consultation  chu Delhi pan ngai lovin Aizawlah FREE!