KAN
TAN HMUN A BUATSAIH
Mihring damchhung reilotê ah hian, Pathian thu hi kan sawi tam hman lo ang e,
tihte hi ka ngaihtuahnaah a awm fova; kan tan hmun siam tûra a kal pawh kha a
rei ve thawkhat tawh a, " Ka lo kîr leh ang..." atih pawh kha a hnai
tawh viau âwm si a...
Mahni thil tawn bawk han sawi leh țhîn ila:
Hmanah, ka fanu, kan fa upa ber hi Agartala ah Class XI zir tûrin ka zuk dah ve
a. A vawikhat awm hranna ani a, ka ngai êm êm țhîn. A vawikhat lo haw chhoh ve
hun alo hnaih meuh chuan, ka va nghâkhlel tak êm aw!
A room chêp ve angreng tak, a awmloh hlâna a
naute'n thil tinrêng an vawmkhawmna chu, kan naute tir lovin, keimah ngeiin ka
tifai a. Chhuat, bang kil, drawer, tukverh te ka nâwt fai a. Anu in mutbu a
buaipui bawk a, room spray nên! Kan va țang nasa tak êm! Theihtâwpa nuamin a
room kan lo buatsaih. Mateii alo haw dawn tlat alawm !!
Tah chuan ka rilruah, Johana
14:2 - 3 thu hi alo lang a :
"Ka Pa inah awmna tam tak a awm a, a awm
loh chuan ka hrilh tawh tûr che u a ni; in tan hmun siamin ka kal dawn hi.Tin,
in tan hmun ka han siam chuan ka lo kîr leh ang a, ka hnênah ka lâ ang che u;
ka awmnaah nangni pawh in awm theih nan." tih hi.
Ka fanu lo haw huna a awmna tûr buatsaiha ka
tlin tâwk tê têa ka lo in buatsaihna mah heti hi ani a, Lal Isua meuhin kum
2000 chuang kan tana hmun a han buatsaih mêk chu, eng ang takin nuam ang maw !
tihte ka ngaihtuah reuh reuh a
No comments:
Post a Comment